PROJEK VYF VLAMME VIR VRYHEID
DOELSTELLING
Die projek Vyf
Vlamme vir Vryheid vorm die kern van die BVI se langtermyn strategiese
doelwit soos uiteengesit in die Bekendstelling. Die hoofdoel van die projek is om ‘n toegewyde kerngroep
van Boere-Afrikaners, wat die vryheidsideaal hulle eie maak en hulleself
tot die vryheidstryd verbind, te vind. Hulle word saamgesnoer in ‘n hegte eenheidsbeweging
wat die vryheidsideaal na die breë volkslae tot op voetsoolvlak kan uitdra.
WERKSWYSE
Die
projek werk só: Elke ondertekenaar
van die Vryheidsbelofte vind ten minste nog vyf persone wat bereid is
om die Vryheidsbelofte te onderteken en hulleself tot die vryheidstryd
te verbind. So word daar binne
‘n piramide-struktuur voortgegaan totdat die Vryheidsbelofte deur
ongeveer 5% van die Afrikanervolk onderteken is.
(Die geskiedenis van volke se vryheidstryde oor die eeue het
bewys dat die stryd altyd maar net deur ‘n klein minderheid geveg
en gewen word – nooit meer as 5% nie).
Die werkswyse kan soos volg verduidelik word:
-
Werwing van ondertekenare
Maak 'n lys van potensiële ondertekenare
en nooi hulle een vir een uit om die belofte te onderteken. Die ervaring
tot sover het geleer dat ongeveer 25% van die mense wat genader word
die belofte onderteken. U moet
dus heelwat meer as 5 persone nader om vyf ondertekenare te kry. Die uitnodiging kan persoonlik, telefonies,
per brief of per e-pos geskied. Elke persoon moet 'n Bekendstelling en 'n Vryheidsbelofte
kry. Uit 'n koste-oogpunt gesien
sal dit beter wees om eers net 'n fotostaat
van die belofte aan 'n persoon te gee.
Wanneer hy aandui dat hy die belofte sal onderteken, gee dan
aan hom die oorspronklike sowel as ‘n kopie van Projek Vyf Vlamme vir Vryheid. Moet egter nie fotostate van die Bekendstelling vir mense gee nie.
Hulle moet die afdruk van die Vryheidsvlag in kleur sien.
Bestel nog daarvan by die kantoor asseblief of druk dit uit vanaf
ons webtuiste by vryheidenreg.com
- Verkryging en verspreiding van Vryheidsbeloftes
Wanneer 'n persoon die Vryheidsbelofte
onderteken, stem hy by implikasie daartoe in om nog vyf ander persone
te vind wat dit ook sal doen. Die
persone wat u werf, moet dus elkeen die volgende ontvang:
Ten minste 5 Bekendstellings
in kleur, 5 Vyf-vlamme-pamflette,
5 Vryheidsbeloftes in swart-en-wit en
een Vryheidsbelofte in kleur.
Laasgenoemde moet hy/sy onderteken
en in sy/haar besit hou.
U kan dit bestel en aan hulle oorhandig, hulle kan dit self bestel, of ons
sal dit vir hulle stuur as u hulle name en adresse vir ons gee. Al die dokumente is ook op ons webtuiste by
vryheidenreg.com beskikbaar, vanwaar dit uitgedruk kan word. Sê aan hulle of hulle eerste-. tweede-, derde-, vierde- of vyfdevlak ondertekenare is en
dat ons graag wil hê dat elkeen nog vyf ondertekenare moet werf. (Elkeen van hulle sal egter 'n brief ontvang
met min of meer dieselfde strekking as die brief wat u ontvang het).
- Opvolging
Opvolging is van die uiterste belang.
Persone wat nie dadelik op 'n uitnodiging reageer nie, moet weer
genader word. Ons beleid is om nie druk op mense uit te
oefen nie; mense
moet egter weet dat ons 'n antwoord van hulle verwag. Dit is immers net goeie maniere om op 'n uitnodiging
te reageer. Laat ons egter sover
moontlik nie in argumente met mense betrokke raak nie. Argumente veroorsaak antagonisme en maak deure
toe. 'n Persoon wat vandag nee
sê, kan môre ja sê as hy steeds positief oor ons voel.
Die hoofdoel met hierdie projek is om Boere-Afrikaners te beweeg om
hulleself tot die vryheidstryd te verbind en die ondertekening van die
Vryheidsbelofte is ‘n praktiese metode om dit reg te kry. Dit is egter nie die enigste metode nie.
As u met ‘n persoon ‘n gesprek oor die hervatting
van ons vryheidstryd gevoer het en hy die noodsaaklikheid daarvan ingesien
het, is een beduidende tree in die regte rigting gegee en saam met die
duisende ander kan dit uiteindelik ‘n nasionale opmars na vryheid
word. Moet dus nie ontmoedig
voel as iemand nie kans sien om die Vryheidsbelofte te onderteken nie. Spoor hom aan om met ander mense daaroor te
praat en op dié wyse die vryheidsgedagte in die harte van mede-Afrikaners
te plant.
Ons vryheidstrewe moet die hooftema van ons politieke gesprekke word.
Daardeur kom ons weg van die negatiewe toon wat die meeste daarvan
oorheers. Die vryheidsideaal is iets positiefs en prakties
om oor te praat en hoe meer gesprekke daaroor in ons volksgeledere plaasvind
hoe vinniger sal die vryheidsgedagte groei. Dit bly egter die ideaal om soveel moontlik
mense te beweeg om die Vryheidsbelofte te onderteken.
Doen ook opvolging met die persone wat die belofte onderteken het.
Stel vas of hulle al hulle dokumentasie van die kantoor bestel
het en gee aan hulle die nodige leiding en ondersteuning met die werwing
van hulle ondertekenare. Indien dit blyk dat van hulle nie die mas opkom nie, sal u moet probeer om vervangende ondertekenare
te kry.
OPERASIONELE
DOELWITTE
Ons doelwit is om ongeveer
150 000 ondertekenare van die Vryheidsbelofte te vind. Dit verteenwoordig min of meer 5% van die
huidige geskatte sieletal van die Afrikanervolk.
En aangesien ons weet dat die vyand gereedmaak vir die finale
aanslag teen ons volk, het ons nie baie tyd nie.
Ons het rofweg bereken dat, indien elke persoon wat
‘n ondertekenaar van die Vryheidsbelofte word, net nog een ander persoon in ‘n week as ondertekenaar werf,
met ‘n doelwit van 5 ondertekenare per persoon, ons die teiken
van 150 000 binne die bestek van ‘n jaar kan behaal. Elke persoon
wat ‘n ondertekenaar word, het dus ongeveer vyf weke om vyf nuwe
ondertekenare te vind.
VERANTWOORDELIKHEDE VAN ONDERTEKENAARS
Die BVI funksioneer
op die basis van eweredige verspreiding van verantwoordelikhede om te
verhoed dat enkele persone die hele las dra. Dit wat elke persoon moet doen, behoort egter
vir enige persoon haalbaar te wees en behels die volgende:
·
Om die vryheidsideaal
en die doelstellings van die BVI in die
algemeen deur woord en daad te
bevorder.
·
Om ten minste vyf
ondertekenare van die Vryheidsbelofte te
vind en om hulle te motiveer om dieselfde te doen en in die algemeen
op hulle beurt die vryheidsideaal en ook die doelstellings van die BVI
te bevorder.
·
Om as kommunikasiekanale
te dien.
Dit is tweeledig, naamlik:
-
Om op ‘n maandelikse basis ‘n kort vorderingsverslag aan die persoon wat vir u gewerf
het, te verskaf.
-
Om die maandelikse nuusbrief aan ondertekenare wat uself gewerf het, te
stuur sodat hulle dit weer ondertoe kan stuur.
·
Om, waar moontlik, die fondse van die BVI te versterk, hetsy deur
eie bydraes of deur die verkryging van bydraes vanaf ander persone.
FINANSIERING
Die BVI is ontwerp om met die mins moontlike finansiële hulpbronne te funksioneer.
Tog is daar noodwendig sekere uitgawes wat gedek moet word. Die belangrikste hiervan is die druk en verspreiding
van ons inligtingsmateriaal en die vryheidsbeloftes. Om die koste daarvan te verhaal, koppel ons ‘n
donasiewaarde daaraan, wat die druk- en versendingskoste dek , en wel
soos volg:
Bekendstelllings
R7.50
Projek Vyf Vlamme vir
Vryheid
5.00
Vryheidsbeloftes - Kleur
7.50
Swart-en-wit
2.50
Vryheidsplakker
15.00
Elke persoon wat inwillig
om ‘n ondertekenaar te word, ontvang 5 Bekendstellings, 5 Vryheidsbeloftes in swart-en-wit,
5 Vyf-vlamme-pamflette, een Vryheidsbelofte
in kleur en ‘n plakker
en saam daarmee ‘n faktuur vir R70, wat hy/sy so gou moontlik
aan ons moet stuur.
Benewens die direkte kostes
is daar ook indirekte kostes soos salarisse, drukkersink, fotostate,
fakse en telefoon. Dit beloop
ongeveer R1 000 per maand. Daarvoor
is ons afhanklik van bykomende vrywillige donasies van ondertekenare
en ons wil u graag vra om u harte en u hande vir die BVI oop te maak
in hierdie opsig. Bankbesonderhede is soos volg: Absa, Rek.no 910 397 1109.
VRYHEIDSVLAG
Die vryheidsvlag is die
kenteken waaronder die BVI opereer.
Die vlag het ‘n sterk simboliek wat geanker is in ons volk
se geskiedenis se vryheidstrewe en wek positiewe sentimente op. Een blik op die vlag kan meer doen om die vryheidsvlam in ‘n persoon
se hart aan die brand te steek as duisende woorde. Daarom moedig ons ondertekenare van die Vryheidsbelofte
sterk aan om die vlag in een of ander vorm te vertoon. Besonderhede en donasiewaardes is soos volg:
Vryheidsplakkers:
Klein R15
Groot 30
Vryheidsvlae: 20 x 15 cm (Tafelvlaggie met staander)
80
90 x 60 cm (Stormvlag)
250
180 x 120 cm (Standaardvlag)
450
270 x 180 cm (Seremoniële
vlag) 800
IDENTIFISEERBAARHEID
Die BVI is
nie ‘n geheime organisasie nie.
Dit wat ons in die openbaar sê en in die praktyk doen,
is dieselfde. Ons stel egter
‘n hoë premie op ons ondersteuners se persoonlike veiligheid. Daarom is ons beleid om sover moontlik geen
name op enige vlak in ons beweging op skrif te hê nie. Elke ondertekenaar moet probeer om die vyf
of meer persone wat hy/sy as ondertekenare gewerf het se name en kontakbesonderhede
in sy/haar kop te hou. Verder
is dit ook elke persoon se prerogatief om te besluit óf en in welke
mate hy homself as ‘n ondersteuner van die BVI wil openbaar. Persoon A sê nie aan persoon B dat persoon C ‘n
ondersteuner van die BVI is nie. Tydens vergaderings en saamtrekke kan ondersteuners mekaar persoonlik ontmoet.
Met hierdie
strategie wil ons nie alleen mekaar beskerm nie; ons wil ook probeer
verhoed dat die beweging deur ons vyand geïnfiltreer word. Dit sal ook ons vyand ontsenu as hulle nie
werklik kan vasstel hoeveel en wie die ondersteuners van die BVI
is nie.
NAVRAE
