|
|
|
|
VAN
RIEBEECKDAG LAINGSBURG, SATERDAG 5
APRIL 2008 ‘N VOLK DEUR GOD
BEGENADIG
Op Sondag 6 April 2008 sal dit DV 356 jaar wees sedert Jan van Riebeeck en sy geselskap aan die Kaap voet aan
wal gesit het. Dit was die begin van ‘n proses
wat uitgeloop het op die ontstaan en vorming van die Afrikanervolk. Dit was hierdie volk wat die binneland
van Suider-Afrika ontworstel
het aan die wildernis, die barbarisme en
die Britse grypsug en uiteindelik die staat Suid-Afrika tot stand gebring het. Dit sou egter
nie moontlik gewees het as die volk nie deur
die Almagtige God in sy voorsienigheid met bepaalde karaktertrekke begenadig was nie. Dit het daartoe
gelei dat die Afrikanervolk ‘n unieke identiteit ontwikkel het waardeur hy homself duidelik
onderskei het van alle ander volke. Met verloop van tyd het ons
egter toegelaat dat ons besondere
karakter deur vreemde invloede en denkpatrone besoedel en afgewater geraak het, wat uiteindelik
uitgeloop het op die skandelike kapitulasie in 1994. GELEENTHEID OM
VRYHEID TE HERWIN Nou staan ons op die
punt waar die politieke
monster wat in 1994 geskep
is, besig is om homself en sy skeppers te
vernietig omdat die verwoestende kragte wat op ‘n roekelose wyse in Suid-Afrika losgelaat is, totaal buite beheer geraak het. Die land is besig
om onregeerbaar te raak en stuur
af op anargie. Dit sal hoë eise
aan ons oorlewingsvermoë stel en ons sal onsself
geestelik en fisies daarop moet voorberei. Die ineenstorting
van die huidige politieke
bedeling, wat noodwendig uit so’n toestand van anargie sal voortvloei,
sal aan ons as Afrikaners egter die geleentheid gee om weer ons vryheid
te herwin en ons land terug te kry. Albei hierdie uitdagings sal egter van ons verg dat
ons weer tot ‘n ontdekking sal kom van die Godgegewe karaktertrekke waaroor ons as volk beskik. Ons sal dit moet
versterk, ontwikkel en inspan om vir
onsself en ons kinders ‘n toekoms in dié land te skep. ‘N
TOEKOMSSTRATEGIE Tydens die beplande die Van Riebeeckherdenking
sal ons DV die soeklig laat val op die ware identiteit van ons volk soos
dit histories ontwikkel het, maar ons
sal ook met mekaar praat oor ‘n strategie vir oorlewing en vir die herwinning van ons vryheid. Hiermee word u uitgenooi na die byeenkoms. Die jaarlikse vergadering van die Sentrale Vryheidskomitee van
die BVI sal terselfdertyd
ook gehou word. Dit is nie ‘n geslote vergadering nie en almal wat die Van Riebeeckherdenking bywoon, is welkom om die vergadering ook by te woon. Nie-lede van die SVK sal nie stemreg hê
nie, maar sal vryelik aan
die besprekings kan deelneem. Die BVI bestaan reeds vir meer as vyf jaar
en daar moet besin word oor hoedanig die BVI homself moet posisioneer vir die uitdagings van die onmiddellike toekoms. PROGRAM Die program sal min of meer
soos volg verloop: 09:30 Opening en
verwelkoming 09:45 Die ware identiteit
van die Afrikanervolk : Frikkie
Strauss 10:30 Tee 10:45 SVK-vergadering 11:15 Oorsig oor die BVI se bedrywighede
van die afgelope vyf jaar en die uitwerk van strategiese doelwitte en aksieplanne vir die toekoms : Onder leiding van Dr Ronnie van der Merwe, voorsitter van die BVI 13:00 Afsluiting
en ligte ete (teen billike prys) PLEK Die byeenkoms word gehou
aan huis van mnr Tromp Steyn te Hospitaalstraat 20, Laingsburg. Vir persone wat van die Kaapse
kant kom: Draai links in Arbeidsweg by Speedy Insleepdiens. Ry tot by Hospitaalstraat, draai regs en ry tot by die huis. Vir persone wat van Beaufort-Wes se kant af kom: Ry deur die dorp en draai regs in Arbeidsweg. Navrae : 023 551 1251 of 082 493
3785
ANDER REËLINGS ·
Ter wille van die voorbereiding van die verversings
sal ons graag teen Woensdag 2 April wil weet hoeveel
mense die byeenkoms sal bywoon. ‘n Groot verskeidenheid
goeie boeke sal ook te
koop aangebied word. ·
Geen bywoningsgelde
word gevra nie, maar tydens die byeenkoms sal daar ‘n geleentheid wees om ‘n bydrae tot die kostes daarvan te maak. ·
Algemene navrae oor die vergadering en besprekings kan gedoen word by die BVI-kantoor by : 022 913 2391 Piketberg.
Die BVI is op 12 Oktober
2002 te Matjiesfontein in
die lewe geroep en het voortgevloei uit die suksesvolle Bittereinderdagherdenking wat
op 31 Mei 2002 te Soetwater gehou is. Die BVI beywer hom vir die herwinning
van die vryheid van die Afrikanervolk
en streef hierdie doel na langs
vreedsame en politieke weg, gebaseer op die reg van volke om vry te
wees.
PIKETBERG |
