|
|
|
|
DIE GROOTSTE UITDAGING VIR 21STE EEUSE AFRIKANERS DIE BEHOUD VAN BOEREGROND _______________________________________________________________ Gedurende die 18de en die 19de eeu
het Afrikanerboere die uitdaging aanvaar om die binneland van Suidelike Afrika te beset, dit aan die wildernis, die barbarisme en die Britse imperialisme te ontruk en dit aan hulle nageslag
as ‘n kosbare erfenis
nagelaat. Twintigste-eeuse Afrikaners het
dit ontwikkel en uitgebou tot ‘n moderne
land. Die uitdaging
lê nou voor ons, as die huidige geslag Afrikaners, om dié land vir
ons kinders te behou. Dat dit op die oomblik beslis die grootste uitdaging vir Afrikaners van die 21ste eeu
is, ly geen
twyfel nie want dit is tans die fokuspunt van
die vyandelike aanslag
teen ons. En
alhoewel alle Afrikaners daarby belang het, sal die inisiatief van die Afrikanerboer
moet uitgaan. ‘n Omvattende langtermynstrategie wat op ‘n verbeeldingryke,
toekomsgerigte en positiewe
wyse, in afhanklikheid
van en geloof in die God van die Bybel deurgevoer moet word, is nou nodig. Die Boere-Afrikaner
Vryheidsinisiatief het in
samewerking met ander organisasies en leiersfigure in
landbougeledere oor
‘n periode van ongeveer
drie jaar ‘n Strategie vir die Behoud van Boeregrond ontwikkel en ons wil dit graag
met ander Afrikaners deel
en hulle daarby betrek. ‘n Reeks van nege vergaderings word vir dié doel beplan. Die strategie is uiteengesit in ons pamflet Behoud van Boeregrond vra Aksie en tydens die vergaderings sal dit in meer
besonderhede verduidelik
word. Besprekings daaroor
sal gevoer word. Hierdie pamflet sowel as alle vorige pamflette kan gelees
word op ons webtuiste by vryheidenreg.com of van ons
kantoor bestel word. Die eerste vergadering is reeds op 26 Mei
op Upington gehou en die volgende drie word DV vanaf 10 – 12 Oktober
2007 gehou. Dit is die week waarin die Tweede Vryheidsoorlog 108 jaar gelede uitgebreek
het en vanweë die ineengestrengeldheid van die behoud
van Boeregrond en die herwinning
van Afrikanervryheid sal daar tydens die vergaderings ook aandag gegee word aan die rol wat
mense tydens die Tweede Vryheidsoorlog gespeel het om
vir ons ‘n land te verwerf waarvan
ons kan sê: Dié land is ons
land. Tydens die Tweede Vryheidsoorlog het baie Kaapse Afrikaners hulleself met die vryheidstryd
van die Boere-republieke vereenselwig. Hulle het by die Boeremagte aangesluit en mettertyd as Kaapse Rebelle bekend geraak. So het daar ‘n vereniging van hart en gees tussen Republikeinse Boere en Kaapse Afrikaners ontstaan. Dit is in hierdie gees waarin die vergaderings gehou word. Boere en alle ander Afrikaners word uitgenooi
om die vergaderings by te woon. BESONDERHEDE VAN VERGADERINGS
SPREKERS EN ONDERWERPE DR RONNIE
VAN DER MERWE: By
al drie vergaderings : Behoud van Boeregrond vir die Behoud van Boerevolk. (Dr Ronnie
van der Merwe is ‘n
bekende Karooboer en
‘n kenner op die gebied
van die grondaanslag) FRIKKIE
STRAUSS: Louis Trichardt: Kruger: Verpersoonliking
van Afrikanervryheid Pretoria: Die Bittereinders: Trots van ons volk. Lichtenburg: De la Rey: Militêre genie en
vryheidsvegter (Frikkie
Strauss is ‘n rekenmeester en skrywer van verskeie boeke oor SWA en oor die Afrikanerpolitiek, - onderwys en –geskiedenis,
asook oor beleggings en belasting) (Ons vereenselwig onsself met die 150-jarige herdenking
van die Vierkleur en by al die vergaderings
sal daaraan aandag gegee word. Tydens die
Pretoria-vergadering sal
die 82-jarige mnr MANIE MARITZ, na
ons beste wete die enigste lewende direkte nasaat van ‘n Boere-generaal,
met ons enkele persoonlike herinneringe aan sy vader
deel. Moenie die geleentheid misloop om met hom hand te skud
nie. Bring u
kinders ook saam). Geen toegangsgeld word gevra
nie, maar donasies ter delging van die koste van die vergaderings sal welkom wees. ‘n Groot verskeidenheid goeie boeke sal
ook te koop aangebied word. Die vergaderings word gereël deur die Boere-Afrikaner
Vryheids-inisiatief in samewerking
met die Boere-Afrikaner Grondaksie.
Die BVI is vyf jaar
gelede as ‘n uitvloeisel
van die herdenking van die
Tweede Vryheidsoorlog in Kaapland gestig. Die doel van die
BVI is die herwinning van Afrikanervryheid
en daar word tans gefokus
op die herlewing van die vryheidsideaal
in die harte van Afrikaners. Die BGA is ‘n gesamentlike
strategie van ‘n aantal
Afrikanerbewegings vir
die behoud van Boeregrond.
PIKETBERG |
