|
VIR VRYHEID EN REG |
‘ ONTSTAAN Die Boere-Afrikaner Vryheidsinisiatief
(BVI) is formeel in die lewe geroep tydens ‘n Krugerdagherdenking
wat op Saterdag 12 Oktober 2002 op die plaas Matjiesfontein naby Calvinia
gehou is. Die BVI het sy ontstaan
te danke aan die honderdjarige herdenking van die Tweede Vryheidsoorlog
van die Boere-republieke teen Brittanje en het direk voortgevloei uit
die aktiwiteite van die Swartland Boere-oorlog Herdenkingskomitee.
Vir die stigters van die BVI is dit duidelik dat die offers wat
in ons volk se geskiedenis vir die vryheidsideaal gebring is, tesame
met die huidige voortbestaanskrisis van die Afrikanervolk, die herwinning
van ons vryheid ‘n dwingende noodsaaklikheid maak en dat die stryd
daarvoor sonder enige verdere versuim hervat moet word.
In die vormgewing van die beweging is ryklik geput uit die geskiedenis
van ons volk se vryheidstryd en daar is rekening gehou met die ware
aard en wese van die Afrikanervolk. DOEL
Die doel van die BVI is om hom te beywer vir die herlewing
van die vryheidsideaal in die harte van Afrikaners. Die vryheidstryd sal slegs hervat HOOFKENMERKE
EN FUNKSIONERING
·
Die BVI is ‘n vrye, spontane assosiasie van alle Afrikaners wat die vryheidsideaal nastreef
en elke persoon wat die Boere-Afrikaner Vryheidsbelofte onderteken is
outomaties deel daarvan. Dit
opereer in die ware gees van die Kaapse rebelle, wat spontaan en vrywillig
by die Boeremagte aangesluit omdat hulle hulleself met die Boere-vryheidsideaal
vereenselwig het.
·
Die BVI is nie
‘n politieke party nie en beoog ook nie om een te word nie. Dit het geen formele verbintenis met enige bestaande
politieke, kulturele of kerklike organisasie nie, maar sal goeie verhoudings
nastreef met enige organisasie wat die vryheidsideaal bevorder in dieselfde
gees en styl as die van die BVI. Die
BVI gaan nie betrokke raak by die politieke strydvoering van die dag
nie, omdat hy die huidige regeringsbestel as van verbygaande aard beskou. Dit streef ‘n langtermyn, blywende staatkundige
bestel vir Afrikaners na.
·
Die BVI wil sy doelstellings nastreef langs vreedsame en politieke weg gebaseer op
die reg van volke om vry te wees. Dit beoog nie enige gewelddadige of
ondergrondse aksies nie en het geen geheime agenda of verbintenisse
met geheime organisasies nie.
·
Die langtermyn
strategiese doelwitte van die BVI is soos volg:
Ø
Om ‘n toegewyde kerngroep van Boere-Afrikaners,
wat die vryheidsideaal hulle eie maak, saam te snoer in ‘n hegte,
kragtige eenheid.
Ø
Ø
·
Die werksmetode
sal soos volg wees:
Ø
Elke ondersteuner van die BVI werf ten minste nog
vyf nuwe persone wat bereid is om die Boere-Afrikaner Vryheidsbelofte
te onderteken. Die projek staan
bekend as Vyf
vlamme vir Vryheid. So word
daar voortgegaan totdat die vryheidsbelofte deur ongeveer 5% van die
Afrikanervolk geteken is. (Die
geskiedenis het bewys dat die vryheidstryd oor die eeue heen altyd net
deur ‘n klein minderheid geveg en gewen is, nooit meer as 5% van
‘n volk nie). Ter wille van persoonlike beskerming van ons
ondersteuners word geen naamlyste op enige vlak in die beweging gehou
nie. Alle kommunikasie tussen ondersteuners geskied
deur regstreekse kontak binne ‘n piramide-struktuur. Die ondersteunerstal sal bepaal word aan die
hand van die aantal beloftes wat uitgereik is.
Ø
Sodra die voorgaande doelwitte bereik is, sal daar
voortgegaan word om deur middel van volksvergaderings en ander aksies
‘n meerderheid Afrikaners se steun vir die totstandkoming van
‘n nuwe Afrikanerrepubliek te verkry.
·
Die BVI funksioneer
organisatories soos volg:
Ø
Die BVI word gelei deur ‘n Sentrale Vryheidskomitee
(SVK) wat tydens die stigtingsvergadering
in die lewe geroep is en wat deur koöptering aangevul word. Die SVK neem leiding met die vestiging van die
beweging en is verantwoordelik vir die rigtinggewende besluitneming. Die lede van die SVK is die eerste ondertekenaars
van die Boere-Afrikaner Vryheidsbelofte en neem ook die inisiatief om
verdere ondertekenaars te vind.
Ø
Die dag-tot-dag bestuur word gedoen deur ‘n
dag-bestuur van vier lede wat uit die volgende persone bestaan:
Dr Ronnie van der Merwe van Fraserburg (Voorsitter) Mnr Frikkie
Strauss van Piketberg (Sekretaris / tesourier) Mnr Tienie
Dumas van Fraserburg (Addisionele lid) Mnr Japie Chambers (Addisionele lid)
DIE BOERE-AFRIKANER VRYHEIDSBELOFTE
Die Boere-Afrikaner Vryheidsbelofte is ‘n dokument
waarin die Afrikanervolk se versugting tot vryheid uitgedruk word en
waarin die ondertekenaar homself tot die vryheidsideaal en die verwesenliking
daarvan verbind. Die belofte
vind sy oorsprong in die belofte wat Transvaalse burgers op 11 Desember
1880 aan mekaar gemaak het om DIE BEGRIP
“BOERE-AFRIKANER”
Die begrip “Boere-Afrikaner” dui op ‘n
Afrikaner wat homself positief met die Afrikanervolk se geskiedenis
en vryheidstrewe vereenselwig en wat Die Bybel, wat die Hervorming ten
grondslag gelê het, as die grondslag van sy eie lewe aanvaar. Die 1933
Afrikaanse Bybel is ‘n voorbeeld daarvan. Dit is die ideaal van
die BVI dat alle Afrikaners uiteindelik Boere-Afrikaners sal word. DIE EMBLEEM
Die embleem bevat basies drie elemente, wat soos volg verduidelik
Die vlag is die simbool van vryheid en is
‘n uitdrukking van die totale
karakter van die BVI. Die oranje-blanje-blou
gedeelte is ontleen aan die Prinsevlag waaronder die Huis van Oranje
gedurende die 16de en 17de eeue in die Nederlande die stryd teen die
Spaans/Rooms-Katolieke oorheersing gevoer en gewen het. Dit simboliseer in wese die waardes van die
Hervorming, naamlik die soewereiniteit en oppergesag van God sowel as
die vryheid van individue en volkere om God te dien volgens Bybelse
riglyne en vry van enige vorm van vreemde oorheersing.
Vryheid word in sy wydste betekenis verstaan. Die groen baan simboliseer die Afrikanerkarakter
wat aan die begrip vryheid gegee word.
Die vyf vlamme beeld die doel
van die BVI naamlik, die herlewing van ons vryheidsideaal uit. Dit spreek ook van die kernwerkswyse van die
beweging, naamlik dat elke persoon die vryheidsvlam in die harte van
nog vyf ander moet aansteek. Die woorde Ons het ‘n toekoms is
‘n uiting van ons geloof dat ons deur God se genade nie hoef te
twyfel dat ons wel ‘n toekoms het nie. Die ovaalvormige sirkel spreek
van ‘n duidelike afgegrensde entiteit, naamlik die Afrikanervolk
en van ‘n gees van eensgesindheid binne daardie entiteit. ALGEMEEN
Die BVI bied aan Boere-Afrikaners die geleentheid om binne
‘n geordende struktuur ‘n positiewe en skeppende bydrae
tot die herlewing van ons volk se vryheidsideaal en die uiteindelike
totstandkoming van ‘n nuwe, vrye Afrikanerrepubliek te lewer. In die hart van elke Afrikaner wat die vryheidsbelofte
teken het die vryheidstryd ontbrand en vir hom/haar geld die woorde
van die denker George Byron: “Die
vryheidstryd, as dit eenmaal begin, word van die vader bloeiend deur
die seun geërf, en die stryd sal altyd, hoe moeilik ookal, gewen word.” KONTAKBESONDERHEDE
 PIKETBERG |
|||||||||||||||||||||||||
